ഡൗൺപാട്രിക്: ഐർലണ്ടിലെ ഡൗൺപാട്രിക് നഗരത്തിൽ നടന്ന ക്രൂരമായ ആക്രമണത്തിൽ കാനൺ ജോൺ മുറേ പരിക്കേറ്റു. ഞായറാഴ്ച രാവിലെ പള്ളി മിസ്സിനായി തയ്യാറെടുക്കുന്നതിനിടെ, അദ്ദേഹത്തിന്റെ തലയിൽ ഒരു കുപ്പി കൊണ്ട് അടിക്കുകയായിരുന്നു. വിരമിക്കാൻ ദിവസങ്ങൾ മാത്രം ബാക്കിയുള്ള സാഹചര്യത്തിലായിരുന്നു ഈ സംഭവം.സമൂഹത്തെ നടുക്കിയ ഈ ആക്രമണത്തെക്കുറിച്ച് സഹപുരോഹിതനായ ഫാ. മാർട്ടിൻ ഗ്രഹാം “ഇത് ഹൃദയവേദനാജനകമാണ്; കാനൺ മുറേയുടെ അവസാന മിസ് ഇന്ന് നടക്കേണ്ടതായിരുന്നു” എന്നും സംഭവത്തെ “ഭീകരം” എന്നും വിശേഷിപ്പിച്ചു. ഡൗൺ ആൻഡ് കൊന്നർ രൂപതാ വക്താവ് ഫാ. എഡ്ഡി മക്ഗീ “സേവനത്തിനിടെ ദുര്‍ബലനായിരുന്ന ഒരു പുരോഹിതനെയാണ് ലക്ഷ്യമിട്ടത് എന്നത് ഏറെ ആശങ്കാജനകം” എന്നും പ്രതികരിച്ചു.
സംഭവവുമായി ബന്ധപ്പെട്ട്, ഞായറാഴ്ച ഉച്ചയ്ക്ക് 12 മണിയോടെ മരിയൻ പാർക്ക് പ്രദേശത്ത് മറ്റൊരു പുരുഷന്റെ മൃതദേഹം കണ്ടെത്തിയതായി പോലീസ് അറിയിച്ചു. 30 വയസ്സുള്ള ഒരു പുരുഷനെ കൊലപാതകശ്രമത്തിനും കൊലക്കുറ്റത്തിനുമായി അറസ്റ്റ് ചെയ്തിട്ടുണ്ട്. പ്രാഥമിക അന്വേഷണത്തിൽ, ഈ കൊലപാതകവും കാനൺ മുറേയ്ക്കുനേരെയുള്ള ആക്രമണവും ബന്ധമുള്ളതായി പോലീസ് സംശയിക്കുന്നു.
പ്രാദേശിക എം.പി. ക്രിസ് ഹാസാർഡ് “ഒരു മനുഷ്യന്റെ മരണമുണ്ടായതും കാനൺ മുറേയ്ക്കുനേരെയുള്ള ക്രൂരാക്രമണവും സമൂഹത്തെ നടുക്കി” എന്നും പറഞ്ഞു. എസ്.ഡി.എൽ.പി.യിലെ കോളിൻ മക്ഗ്രാത്ത് സമൂഹം ‘ഷോക്കിലാണ്’ എന്നും വ്യക്തമാക്കി.
മരിയൻ പാർക്ക് പ്രദേശം സന്ദർശിച്ച കൗൺസിലർ കോണർ ഗാൽബ്രെയ്ത് “ഇത് ഡൗൺപാട്രിക്കിലെ ജനങ്ങൾക്ക് ഏറെ വേദനാജനകമായ ദിവസം” എന്നും പോലീസിന് അന്വേഷണം നടത്താൻ സമയം നൽകണമെന്ന് അഭ്യർത്ഥിക്കുകയും ചെയ്തു.
പോലീസ്, സംഭവത്തെക്കുറിച്ച് വിവരമുള്ളവർ മുന്നോട്ടുവരണമെന്ന് ആവശ്യപ്പെട്ടിട്ടുണ്ട്.
Add comment
Comments