എല്ലാവരുടെയും പ്രതിനിധിയായി പ്രവര്‍ത്തിക്കുകയും, എല്ലാവരെയും കേള്‍ക്കുകയും, എല്ലാവരെയും വിലമതിക്കുകയും ചെയ്യുമെന്ന പ്രഖ്യാപനവുമായി കാതറിന്‍ കോണലി അയര്‍ലണ്ടിന്റെ പത്താമത് പ്രസിഡന്റായി സ്ഥാനമേറ്റു.
ഡബ്ലിന്‍ കാസിലിലെ സെന്റ് പാട്രിക്‌സ് ഹാളില്‍ ഇന്നലെ നടന്ന സത്യപ്രതിജ്ഞാ ചടങ്ങില്‍ പ്രധാനമന്ത്രി മീഹോള്‍ മാര്‍ട്ടിന്‍, ഉപപ്രധാനമന്ത്രി സൈമണ്‍ ഹാരിസ് എന്നിവരടക്കം നിരവധി പ്രമുഖര്‍ പങ്കെടുത്തു.
ചീഫ് ജസ്റ്റിസ് ഡോണല്‍ ഒ’ഡോണലില്‍ നിന്നും സത്യവാചകം ഏറ്റുചൊല്ലിയാണ് സ്വതന്ത്ര സ്ഥാനാര്‍ഥിയായി വന്‍ ഭൂരിപക്ഷത്തില്‍ വിജയിച്ച കോണലി പ്രസിഡന്റായി സ്ഥാനമേല്‍ക്കുന്നത്. ചടങ്ങിന്റെ ഭാഗമായി കൊളിന്‍സ് ബാരകില്‍ നിന്നുള്ള 21 തോക്കുസല്യൂട്ടുകളും പ്രസിഡന്റ് കോണലി സ്വീകരിച്ചു.
ഗോള്‍വേ സ്വദേശിയായ 68-കാരി കോണലി സ്ഥാനമേല്‍ക്കുന്ന വേളയില്‍, “ഈ മനോഹര രാജ്യത്തിന്റെ പത്താമത്തെ പ്രസിഡന്റായി വിനയത്തോടും അഭിമാനത്തോടും കൂടിയാണ് താന്‍ സേവനം ചെയ്യുന്നത്” എന്നായിരുന്നു അവരുടെ വാക്കുകള്‍.
Add comment
Comments