ഡബ്ലിൻ: സീറോ മലബാർ ചർച്ച് ബ്ലാഞ്ചസ്റ്റൗൺ അവതരിപ്പിക്കുന്ന ഡബ്ലിൻ തപസ്യയുടെ പുതിയ നാടകമായ ‘ആർട്ടിസ്റ്റ്’ നവംബർ 21-ന് വൈകിട്ട് ഏഴ് മണിക്ക് ഡബ്ലിനിലെ സൈന്റോളജി കമ്മ്യൂണിറ്റി സെന്ററിൽ അരങ്ങേറുന്നു. ‘ഇസബെൽ’, ‘ലോസ്റ്റ് വില്ല’, ‘ഒരുദേശം നുണ പറയുന്നു’, ‘പ്രളയം’ തുടങ്ങിയ പ്രേക്ഷക പ്രശംസ നേടിയ നിരവധി നാടകങ്ങൾ ഇതിനുമുമ്പ് ഡബ്ലിൻ തപസ്യ ഡ്രാമ ക്ലബിന്റെ ബാനറിൽ അവതരിപ്പിച്ചിട്ടുണ്ട്.
ഭാവനയും സംഗീതവും നൃത്തവും സമന്വയിപ്പിച്ച ത്രില്ലർ ഗണത്തിൽപ്പെടുന്ന ‘ആർട്ടിസ്റ്റ്’ പ്രേക്ഷകർക്ക് ഒരിക്കലും മറക്കാനാവാത്ത അനുഭവമായി മാറുമെന്ന് സംഘാടകർ അറിയിച്ചു. ഒരു സാമൂഹിക പ്രസക്തിയുള്ള വിഷയത്തെ ആസ്പദമാക്കി കുട്ടികൾക്കും യുവാക്കൾക്കും മുതിർന്നവർക്കും ഒരുപോലെ ആസ്വദിക്കാവുന്ന രീതിയിലാണ് നാടകം ഒരുക്കിയിരിക്കുന്നത്.
തോമസ് അന്തോണി, പ്രിൻസ് ജോസഫ് അങ്കമാലി, സജി കൂവപ്പള്ളിൽ, സ്മിത അലക്സ്, രശ്മി രവീന്ദ്രനാഥ്, വിനോദ് മാത്യു, ജോൺ മാത്യു, ജോസ് ജോൺ, റോളി ചാക്കോ, മാർട്ടിൻ പുലിക്കുന്നേൽ, ബിന്നെറ്റ് ഷിൻസ്, ലിൻസ് ഡെന്നി, ജിസ്ന ബാസ്റ്റിൻ, ഐറിൻ ടോണി, ഇവാൻ ജിയോ, റിയാന ജിനೇಶ್ എന്നിവർ പ്രധാന കഥാപാത്രങ്ങളെ അവതരിപ്പിക്കുന്നു. സലിൻ ശ്രീനിവാസ് രചിച്ച ‘ആർട്ടിസ്റ്റ്’ നാടകത്തിന്റെ സംഗീതം സിംസൺ ജോൺ, ഗാനരചന ജെസി ജേക്കബ്, നൃത്തസംവിധാനം വിഷ്ണു ശങ്കർ എന്നിവരാണ് നിർവഹിച്ചിരിക്കുന്നത്. സംവിധാനം ബിനു ആന്റണിയും തോമസ് അന്തോണിയും ചേർന്നാണ്.
ഈ പ്രദർശനം ചാരിറ്റി ഫണ്ട് സമാഹരണത്തിന്റെ ഭാഗമായാണ് ഒരുക്കിയിരിക്കുന്നത്. അയർലൻഡിലെ കലാസ്നേഹികളെ ഒരുമിപ്പിക്കുന്ന ഈ സാംസ്‌കാരിക സായാഹ്നത്തിലേക്ക് എല്ലാവരെയും സംഘാടകർ ഹൃദയം നിറഞ്ഞ സ്വാഗതം ചെയ്യുന്നു.
ടിക്കറ്റുകൾക്കായി:
https://buy.stripe.com/14AbJ02Ou4IWclT5Le8Zq06
Add comment
Comments