ഡബ്ലിൻ: ഈ വർഷം സ്നോയും ഐസും സാധാരണത്തേക്കാൾ നേരത്തേ അയർലണ്ടിൽ എത്തുമെന്ന് കാലാവസ്ഥാ നിരീക്ഷകർ സ്ഥിരീകരിച്ചു. സാധാരണയായി ജനുവരി–ഫെബ്രുവരി മാസങ്ങളിലാണ് രാജ്യത്ത് കാര്യമായ മഞ്ഞുവീഴ്ചയുണ്ടാകാറുള്ളത്. എന്നാൽ ഇത്തവണ നവംബർ 19, 20 തീയതികളോടെ തന്നെ ആദ്യ സ്നോ അനുഭവപ്പെടാൻ സാധ്യതയുണ്ടെന്ന് WX Charts പ്രവചിക്കുന്നു.രാജ്യത്തിന്റെ ചില ഭാഗങ്ങളിൽ മാത്രമേ സ്നോ ലഭിക്കൂവെന്നുമാണ് പ്രവചനം. ചില മേഖലകളിൽ 1 മുതൽ 9 സെന്റീമീറ്റർ വരെയും മിക്കയിടങ്ങളിലും 1 മുതൽ 3 സെന്റീമീറ്റർ വരെയും സ്നോ പ്രതീക്ഷിക്കാമെന്ന് നിരീക്ഷകർ വ്യക്തമാക്കുന്നു.
രാജ്യത്തിന്റെ ഭൂരിഭാഗം പ്രദേശങ്ങളിൽ വിന്റർ മഴയ്ക്കും സാധ്യതയുണ്ട്. വടക്ക്, പടിഞ്ഞാറ്, മധ്യപ്രദേശങ്ങളിലെ ചില മേഖലകളിലാണ് സ്നോ വീഴാനുള്ള സാധ്യത കൂടുതലെന്ന് WX ചാർട്ടുകൾ സൂചിപ്പിക്കുന്നു. എന്നാൽ കാലാവസ്ഥയിൽ മാറ്റങ്ങൾ സംഭവിക്കാമെന്നും വർഷാവസാനം കുറഞ്ഞ താപനിലയും മാറിക്കൊണ്ടിരിക്കുന്ന കാലാവസ്ഥാ സാഹചര്യമുണ്ടാകാമെന്നും Met Éireann മുന്നറിയിപ്പ് നൽകുന്നു.
സെപ്റ്റംബർ–ഒക്ടോബർ–നവംബർ (SON) കാലയളവിൽ അയർലണ്ടിലെ C3S സീസണൽ മോഡലുകൾ ശരാശരിയേക്കാൾ ഉയർന്ന താപനില കാണിക്കുന്നു. മഴ ശരാശരി തോതിലായിരിക്കും. അടുത്ത രണ്ട് മാസങ്ങളിലായി താപനില ശരാശരിയേക്കാൾ 0.5 മുതൽ 1.0 ഡിഗ്രി സെൽഷ്യസ് വരെ താഴെയാകാൻ സാധ്യതയുണ്ടെന്നാണ് നിരീക്ഷകരുടെ കണക്കുകൂട്ടൽ.
ശരത്കാലം മുഴുവൻ കൂടുതൽ ഈർപ്പമുള്ളതും ഇടയ്ക്കിടെ വരണ്ടതുമായ അന്തരീക്ഷമായിരിക്കും. ന്യൂനമർദ്ദം അസ്ഥിരമായ കാലാവസ്ഥ സൃഷ്ടിക്കാനിടയുണ്ട്. mean air temperature ശരാശരിയായിരിക്കുമെന്നാണ് Met Éireann വ്യക്തമാക്കുന്നത്. ഡബ്ലിൻ ഉൾപ്പെടെയുള്ള സിറ്റി കൗൺസിൽ പ്രദേശങ്ങളിലെ റോഡുകളിൽ ഐസ് നീക്കം ചെയ്യാനുള്ള യന്ത്രങ്ങൾ പുലർച്ചെ പ്രവർത്തിപ്പിച്ചു തുടങ്ങിയിട്ടുണ്ട്.
ഈ ഞായറാഴ്ച ചില പ്രദേശങ്ങളിൽ മഴയും ചാറ്റൽമഴയും ഉണ്ടായേക്കാം. ഇടയ്ക്ക് വരണ്ടതും ചെറുതായി വെയിലുമുള്ള കാലാവസ്ഥയുമാകും. പരമാവധി താപനില 12–14 ഡിഗ്രി വരെയായിരിക്കും. നേരിയതോ മിതമായതോ ആയ തെക്ക്–പടിഞ്ഞാറൻ കാറ്റിനും സാധ്യതയുണ്ട്.
രാത്രിയിൽ മിക്കയിടങ്ങളിലും വരണ്ടയും ശാന്തവുമായ അന്തരീക്ഷമായിരിക്കും. കിഴക്കൻ പ്രദേശങ്ങളിൽ നേരിയ മൂടൽമഞ്ഞും ഫോഗും ഉണ്ടാകാം. കുറഞ്ഞ താപനില 3–6 ഡിഗ്രി വരെയായിരിക്കുമെന്നും Met Éireann അറിയിച്ചു.
Add comment
Comments