പണി പാലും വെള്ളത്തിൽ: പുതിയ കുടുംബ പുനരൈക്യ നയം കുടിയേറ്റ തൊഴിലാളികൾക്ക് കനത്ത തിരിച്ചടി

ഡബ്ലിൻ : ഇപ്പോഴത്തെ കുടുംബ പുനരൈക്യ നിയമത്തിലെ മാറ്റങ്ങൾ, പ്രത്യേകിച്ച് healthcare assistants ഉൾപ്പെടെയുള്ള കുടിയേറ്റ തൊഴിലാളികൾക്ക് ഒരിക്കലും അനുഗ്രഹമല്ല. പുതിയ നയം തൊഴിലാളികൾക്ക് തങ്ങളുടെ കുടുംബങ്ങളെ ഇവിടെ കൊണ്ടുവരുന്നത് കൂടുതൽ ബുദ്ധിമുട്ടാക്കുന്നു.

26 നവംബർ 2025 പുറത്തുവിട്ട പുതിയ സർക്കാർ നയം കുടിയേറ്റ തൊഴിലാളികളുടെ അവകാശങ്ങളെയും കുടുംബ മൂല്യങ്ങളെയും നേരിട്ട് ബാധിക്കുന്നതാണെന്ന് വിമർശകർ പറയുന്നു. ഇത് ആയിരക്കണക്കിന് തൊഴിലാളികൾക്കും അവരുടെ കുടുംബങ്ങൾക്കും ദുഷ്പ്രഭാവം സൃഷ്ടിക്കും. 26 നവംബർ 2025 ബുധൻ  നീതിവകുപ്പ് പുറത്തുവിട്ട പുതിയ കുടുംബ പുനരൈക്യ നയത്തെ മൈഗ്രന്റ് റൈറ്റ്‌സ് സെന്റർ അയർലണ്ട് (MRCI) ശക്തമായി വിമർശിച്ചു. ഈ നയം കുടിയേറ്റ തൊഴിലാളികളുടെ കുടുംബത്തെ അയർലണ്ടിലേക്കു കൊണ്ടുവരാനുള്ള കഴിവിനെ ഗണ്യമായി ചുരുക്കുമെന്ന് സംഘടന വ്യക്തമാക്കുന്നു.

അപേക്ഷാ ഫീസ്, പുതിയ താമസസൗകര്യ മാനദണ്ഡങ്ങൾ, കൂടാതെ ഒരൊറ്റ സ്പോൺസറുടെ വരുമാനം മാത്രം കണക്കാക്കുന്ന സാമ്പത്തിക വിലയിരുത്തൽ — ഇതെല്ലാം ചേർന്നാൽ പലർക്കും മാനദണ്ഡങ്ങൾ നിറവേറ്റാൻ ബുദ്ധിമുട്ടാകും.

MRCI സഹ-ഡയറക്ടർ നീൽ ബ്രൂട്ടൺ പറഞ്ഞു:
“ഇന്ന് പ്രഖ്യാപിച്ച നയം care, restaurants, food production മേഖലകളിൽ ജോലി ചെയ്യുന്ന കുടിയേറ്റ തൊഴിലാളികളെ അവരുടെ കുട്ടികളെ ഒരിക്കലും ഇവിടെ കൊണ്ടുവരാൻ പാടില്ലെന്ന നിലയിലേക്കാണ് തള്ളുന്നത്.”

കഴിഞ്ഞ ചില വർഷങ്ങളായി തൊഴിലാളികൾ നടത്തുന്ന പോരാട്ടത്തിനിടയിലും നിലവിലെ നിയമങ്ങൾ പലരെയും അവരുടെ പകാളിയെയോ കുട്ടിയെയോ ഇവിടെ കൊണ്ടുവരാൻ 7 വർഷം വരെ കാത്തിരിക്കേണ്ട അവസ്ഥയിൽ ആക്കി.

പുതിയ നയം ഇപ്പോഴും നിലനിർത്തുന്ന വ്യവസ്ഥകൾ:

• അപേക്ഷിക്കാനുമുമ്പ് 12 മാസം കാത്തിരിപ്പ്

• പന്കാളിയെ കൊണ്ടുവരാൻ €30,000 അടിസ്ഥാന ശമ്പളം

• കുട്ടികളെ കൊണ്ടുവരാൻ അത്യന്തം ഉയർന്ന വരുമാന മാനദണ്ഡങ്ങൾ

  • ഒരു കുഞ്ഞിന് €44,300 (2026-ൽ ഇത് €50,000-ന് മുകളിൽ ഉയരും)

  • ഒരിലധികം കുട്ടികൾ ഉണ്ടെങ്കിൽ ഇതിലും ഉയർന്ന ആവശ്യകത